பார்டர் - கவாஸ்கர் கோப்பையை 9-வது முறையாக ஆஸ்திரேலிய மண்ணில் கைப்பற்றியது இந்திய அணி

19-01-2021 01:20 PM

சென்னை

ஆஸ்திரேலியா அணியுடன் 4 போட்டிகள் கொண்ட டெஸ்ட் தொடரை 2-1 என்ற கணக்கில் வென்று இந்தியா அணி சாதனை படைத்துள்ளது.

ஆஸ்திரேலியாவுக்கு எதிரான நான்காவது டெஸ்ட் கிரிக்கெட் போட்டியில் வெற்றி பெற்று தொடரை கைப்பற்றிய இந்திய அணிக்கு பிரதமர் மோடி பாராட்டு தெரிவித்துள்ளார்.

ஆஸ்திரேலியா அணிக்கு எதிரான டெஸ்ட் தொடரை வென்ற இந்திய அணிக்கு தமிழ்நாடு முதலமைச்சர் எடப்பாடி கே.  பழனிசாமி வாழ்த்து தெரிவித்துள்ளார்.

32 ஆண்டுகளுக்குப் பிறகு ஆஸ்திரேலியாவை பிரிஸ்பேன் மைதானத்தில் தோற்கடித்த ‘இளம்’இந்திய கிரிக்கெட் அணி, பரப்பரப்பான ஆட்டத்தில் 327 ரன்கள் இலக்கை எட்டி இந்திய அணி அபார வெற்றி பெற்றது.

பார்டர்-கவாஸ்கர் கோப்பையை 9-வது முறையாக இந்தியா கைப்பற்றியது. ஆஸி மண்ணில் தொடர்ச்சியாக 2-வது முறையாக இந்திய கைப்பற்றி சாதனை படைத்தது.

இந்திய அணியின் வீரர் ரிஷாப் பந்த் 80 ரன்கள் எடுத்து ஆட்டத்தை முடித்து வைத்தார்.

அறிமுக வீரரான வாஷிங்டன் சுந்தர் 29 பந்துகளில் 22 ரன்கள் எடுத்து ஆட்டமிழந்தார்.

அதிகபட்சமாக சுப்மான் கில் 91 ரன்களும், ரிஷப் பண்ட் 80 ரன்களும், புஜாரா 56 ரன்களும் எடுத்து அணிக்கு வலு சேர்த்தனர்.

இந்தியா- ஆஸ்திரேலியா அணிகள் இடையிலான 4-வது மற்றும் கடைசி டெஸ்ட் கிரிக்கெட் போட்டி பிரிஸ்பேனில் ஜனவரி 15-ம் தேதி தொடங்கியது.

டாஸ் வென்ற ஆஸ்திரேலிய அணி முதலில் பேட்டிங்கை தேர்வு செய்தது. போட்டியின் முதல் நாளில் ஆஸி. அணி 5 விக்கெட் இழப்புக்கு 274 ரன்களை எடுத்தது. மேலும் 2-வது ஆட்டம் 16-ம் தேதி நடைபெற்றது. ஆஸ்திரேலிய அணி முதல் இன்னிங்சில் 369 ரன்கள் சேர்த்து ஆல்-அவுட் ஆனது. இந்திய தரப்பில் அறிமுக பவுலர்களான தமிழ்நாட்டைச் சேர்ந்த நடராஜன், வாஷிங்டன் சுந்தர் மற்றும் ஷர்துல் தாகூர் தலா 3 விக்கெட்டுகளை கைப்பற்றினர்.

முதல் இன்னிங்சை ஆடிய இந்திய அணி 2 விக்கெட்டுக்கு 62 ரன்கள் எடுத்திருந்த போது மழை குறுக்கிட்டது. அப்போது புஜாரா 8 ரன்னுடன், ரஹானே 2 ரன்னுடன் களத்தில் இருந்தனர். தொடர்ந்து பலத்த மழை கொட்டியதால் கடைசி பகுதி ஆட்டம் ரத்து செய்யப்பட்டது.

17-ம் தேதி நடைபெற்ற 3-வது ஒருநாள் போட்டியில் இந்திய வீரர் வாஷிங்டன் சுந்தர் தனது முதல் டெஸ்ட் அரை சதத்தை பதிவு செய்தார். எனவே இந்திய அணி இந்திய அணி 336 ரன்களுக்கு ஆல்-அவுட் ஆனது. இதன் மூலம் ஆஸ்திரேலியாவை விட இந்திய அணி 33 ரன்கள் பின் தங்கியிருந்தது. இந்திய அணியில் அதிகபட்சமாக ஷர்துல் தாக்கூர் 67 ரன்களும், வாஷிங்டன் சுந்தர் 62 ரன்களும் எடுத்தனர்.

2-வது இன்னிங்சை 33 ரன்கள் முன்னிலையில் ஆடிய ஆஸ்திரேலியா அணி 3-வது நாள் ஆட்ட நேர முடிவில் விக்கெட் இழப்பின்றி 21 ரன் எடுத்து இருந்தது. நேற்று நடைபெற்ற 4-வது ஆட்டத்தில் 54 ரன்கள் முன்னிலை, 10 விக்கெட்டுகளுடன் ஆஸ்திரேலியா தொடர்ந்து ஆடியது.

நேற்று (18-1-2021) ஆஸ்திரேலியா அணி அனைத்து விக்கெட்டுகளையும் இழந்து 294 ரன்கள் எடுத்தது.

அதிக பட்சமாக வார்னர் 48, ஹரிஸ் 38, ஸ்மித் 55 ரன்கள் எடுத்தனர்.

இந்திய தரப்பில் சிராஜ் 5 விக்கெட்டுகளும், தாகூர் 4 விக்கெட்டுகளையும் வீழ்த்தினர்.

327 ரன்கள் எடுத்தால் வெற்றி என்ற இலக்கில் இந்திய அணி களமிறங்கியது.

ஆட்டம் ஆரம்பித்த சிறுது நேரத்தில் மழை பெய்ததால் 4-வது நாள் ஆட்டம் முடித்து வைக்கப்பட்டது.

4-வது நாள் ஆட்ட நேர முடிவில் இந்திய அணி விக்கெட் இழப்பின்றி 4 ரன்கள் மட்டும் எடுத்திருந்தது.

பரப்பரப்பான ஆட்டத்தில் 327 ரன்கள் இலக்கை எட்டி இந்திய அணி அபார வெற்றி பெற்றது. டெஸ்ட் தொடரை ஆஸ்திரேலிய மண்ணில் வென்றது.

பிரதமர் மோடி பாராட்டு

ஆஸ்திரேலியாவுக்கு எதிரான நான்காவது டெஸ்ட் கிரிக்கெட் போட்டியில் வெற்றி பெற்று தொடரை கைப்பற்றிய இந்திய அணிக்கு பிரதமர் மோடி டுவிட்டரில் பாராட்டு தெரிவித்துள்ளார்.

முதலமைச்சர் பழனிசாமி பாராட்டு

ஆஸ்திரேலியா அணிக்கு எதிரான டெஸ்ட் தொடரை வென்ற இந்திய அணிக்கு தமிழ்நாடு முதலமைச்சர் எடப்பாடி கே.  பழனிசாமி டுவிட்டரில் வாழ்த்து தெரிவித்துள்ளார்.










Trending Now: