கன்னியாகுமரி தொகுதி காங்கிரஸ் எம்.பி. வசந்தகுமாருக்கு கரோனா தொற்று உறுதி செய்யப்பட்டுள்ளது

11-08-2020 10:59 AM

சென்னை:

கன்னியாகுமரி மக்களவை தொகுதி காங்கிரஸ் எம்.பி. வசந்தகுமாருக்கு கொரோனா வைரஸ் தொற்று நோய் பாதிப்பு இருப்பது மருத்துவ பரிசோதனையில் உறுதி செய்யப்பட்டுள்ளது.

எம்.பி. வசந்தகுமார், மற்றும் அவரது மனைவிக்கும் கொரோனா தொற்று பாதிப்பு உறுதி செய்யப்பட்டுள்ளது. கொரோனா உறுதியான நிலையில் இருவரும் சென்னை அப்பல்லோ மருத்துவமனையில் சிகிச்சை பெற்று வருகின்றனர்.

எம்.பி. வசந்தகுமாருக்கு கொரோனா வைரஸ் தொற்று உறுதியான நிலையில்,  தமிழ்நாட்டில் கொரோனா தொற்றால் பாதிக்கப்பட்ட எம்.பி.க்கள் எண்ணிக்கை 4 ஆக உயர்ந்துள்ளது.

கார்த்தி சிதம்பரம் (சிவகங்கை), செல்வராசு (நாகை), ராமலிங்கம் (மயிலாடுதுறை) ஆகிய எம்.பி.க்களும் கொரோனா வைரஸ் தொற்றால் பாதிக்கப்பட்டு மருத்துவ சிகிச்சையில் உள்ளனர்.

தமிழ்நாட்டில் பொதுமக்கள் மட்டுமின்றி கொரோனா தொற்று நோய் பரவாமல் தடுப்பு பணிகளில் ஈடுபட்டு வரும் அமைச்சர்கள், கடைநிலை ஊழியர்கள், நோயாளிகளுக்கு சிகிச்சை அளிக்கும் டாக்டர்கள், நர்சுகள், தடுப்பு நடவடிக்கைகளில் ஈடுபடும் சுகாதார பணியாளர்கள், தூய்மை பணியாளர்கள், போலீஸார், தீயணைப்புத் துறையினர் என பலதரப்பினரும் கொரோனா வைரஸ் தொற்று நோயால் பாதிக்கப்பட்டு வருகின்றனர்.



Trending Now: