சென்னைக்கு அளிக்கப்பட்டுள்ள கொரோனா ஊரடங்கு தளர்வுகள்

31-05-2020 11:38 AM

சென்னை

கொரோனா வைரஸ் தடுப்பு நடவடிக்கைகளுக்காக அமல்படுத்தப்பட்ட பொது ஊரடங்கு உத்தரவு தமிழ்நாடு முழுவதும் 30.6.2020 நள்ளிரவு 12 மணி வரை ஏற்கனவே நடைமுறையில் உள்ள பல்வேறு கட்டுப்பாடுகளுடனும், சில தளர்வுகளுடனும் நீட்டிப்பு செய்யப்படுகிறது என தமிழ்நாடு அரசு அறிவித்துள்ளது.

பெருநகர சென்னை காவல் துறை எல்லைக்குட்பட்ட பகுதிகளில் நோய் கட்டுப்பாட்டு பகுதி தவிர மற்ற பகுதிகளில் (Except Containment Zone) கீழ்கண்ட பணிகளுக்கு மட்டும் 1.6.2020 முதல் அனுமதி அளிக்கப்படுகிறது: அதன்  விவரம்:

* வணிக வாளகங்கள் தவிர அனைத்து வணிக நிறுவனங்கள் மற்றும் பெரிய கடைகள் (நகை, ஜவுளி கடைகள் போன்றவை) 50 சதவீத பணியாளர்களுடன் செயல்படலாம்.

* ஒரே நேரத்தில் அதிகபட்சம் 5 பேர் மட்டும் கடைக்குள் வருவதை உறுதி செய்யவேண்டும். குளிர்சாதன வசதி இருந்தாலும் இயக்கப்படக் கூடாது. சமூக இடைவெளியை கடைபிடிக்க வேண்டும்.

* ஜூன் 8ம் தேதி முதல் உணவகங்களில் அமர்ந்து உணவு அருந்த அனுமதி.

* ஜூன் 8ம் தேதி முதல் தேநீர் கடைகளில் 50 சதவீத இருக்கைகளுடன் அமர்ந்து தேநீர் அருந்த அனுமதி.

* காய்கறி, பழக்கடைகள் மற்றும் மளிகைக் கடைகள் காலை 6 மணி முதல் இரவு 8 வரை செயல்பட அனுமதி.

* வாடகை கார்கள், ஓட்டுநர் தவிர்த்து 3 பயணிகளுடன் மண்டலத்திற்குள் இ-பாஸ் இல்லாமல் செல்ல அனுமதி.

* ஆட்டோக்களில் ஓட்டுநர் தவிர்த்து இரண்டு பயணிகளுடன் செயல்பட அனுமதி.

* சைக்கிள் ரிக்க்ஷா செயல்பட அனுமதி

* குளிர்சாதன வசதிகளை பயன்படுத்தாமலும், அரசு நெறிமுறைகளை பின்பற்றி முடிதிருத்தம் மற்றும் அழகு நிலையங்கள் செயல்பட அனுமதி.

* 50 சதவீத இருக்கைகளுக்கு மட்டும் அனுமதி. குளிர்சாதன வசதிக்கு அனுமதி மறுக்கப்பட்டுள்ளது.

* அனைத்து தனியார் நிறுவனங்களும் 50 சதவீத பணியாளர்களுடன் செயல்பட அனுமதி.

* 20 சதவீத பணியாளர்கள் வீட்டிலிருந்து பணிபுரிவதை ஊக்குவிக்க வேண்டும்.

* தகவல் தொழில்நுட்பம் மற்றும் அது சார்ந்த சேவை நிறுவனங்கள் ஏற்பாடு செய்யும் வாகனங்களில் 20 சதவீத பணியாளர்கள் அதிகபட்சமாக 40 பணியாளர்களுடன் செயல்பட அனுமதி.



Trending Now: