தமிழ்நாட்டில் கரோனா வைரஸால் பாதிக்கப்பட்டவர்களின் எண்ணிக்கை 50ஆக உயர்ந்தது

30-03-2020 10:16 AM

சென்னை

தமிழ்நாட்டில் இன்று ஒரே நாளில் ஈரோட்டை சேர்ந்த மேலும் 8 பேருக்கு கரோனா வைரஸ் பாதிப்பு உறுதி செய்யப்பட்டுள்ள நிலையில், மாநிலம் முழுவதும் பாதிக்கப்பட்டோரின் எண்ணிக்கை 50ஆக அதிகரித்துள்ளது

தமிழ்நாட்டில் 42 பேருக்கு கொரோனா பாதிப்பு இருப்பதாக தெரிவிக்கப்பட்டிருந்த நிலையில், மேலும் 8 பேருக்கு வைரஸ் தொற்று உறுதி செய்யப்பட்டுள்ளது.

சென்னையில் செய்தியாளர்களை சந்தித்த காதாரத்துறை செயலாளர் பீலா ராஜேஷ்,

கொரோனா பாதித்ததால் ஈரோட்டில் சிகிச்சை பெற்று தாய்லாந்து நாட்டவர்களுடன் தொடர்பில் இருந்ததால் ஈரோட்டில் ஒரே குடும்பத்தை சேர்ந்த 10 மாதக் குழந்தை உள்பட 4 பேருக்கும் வைரஸ் தொற்று உறுதி செய்யப்பட்டுள்ளதாக தெரிவித்தார்.

தமிழகத்தில் கொரோனோ பாதிப்பு தொடர்பாக 89 பேரின் ரத்த மாதிரிகளுக்கு சோதனை முடிவுகள் வரவேண்டியிருப்பதாகவும்,

43 ஆயிரத்து 538 பேர் தனிமைப்படுத்தப்பட்டு கண்காணிக்கப்படுவதாகவும்,

கொரோனா தொற்றால் பாதிக்கப்பட்டவர்கள் சென்னை ஸ்டான்லி மருத்துவமனையில் அனுமதிக்கப்பட்டு சிகிச்சை பெற்று வந்தனர் இவர்கள் 2 பேர் குணமடைந்து வீடு திரும்பியுள்ளனர்.

 சென்னையில் சிகிச்சை பெற்று வந்தவர்களில் இதுவரை 5 பேர் குணமடைந்திருப்பதாகவும் பீலா ராஜேஷ் தெரிவித்தார்.

சுகாதாரத்துறை அமைச்சர் டுவிட்டர்

கரோனா வைரஸ் தடுப்பு நடவடிக்கைகள் குறித்து தமிழ்நாடு சுகாதாரத்துறையின் செயல்பாடுகள் பற்றி அமைச்சர் சி. விஜயபாஸ்கரின் டுவிட்டர் செய்தி

வெளிநாடுகள், வெளி மாநிலங்களில் இருந்து வந்த 2 லட்சத்து 9 ஆயிரத்து 284 பயணிகளுக்கு உடல் வெப்ப அளவு பரிசோதிக்கப்பட்டுள்ளது

தனிமைப்படுத்தப்பட்ட சிறப்பு வார்டுகளில் 13,323 படுக்கைகளும், 3,018 வெண்டிலேட்டர்களும் தயார் நிலையில் வைக்கப்பட்டுள்ளன.

தமிழ்நாடு முழுவதும் கரோனா வைரஸ் அறிகுறிகளுடன் 295 பேர் மருத்துவமனைகளில் அனுமதிக்கப்பட்டு கண்காணிப்பில் வைக்கப்பட்டுள்ள நிலையில், 

தற்போது வரை 1,763 பேருக்கு கொரோனா பரிசோதனை மேற்கொள்ளப்பட்டுள்ள நிலையில் 1,632 பேருக்கு பாதிப்பு இல்லை என்பது உறுதி செய்யப்பட்டுள்ளது.

இவ்வாறு, தமிழ்நாடு சுகாதாரத்துறை அமைச்சர் சி. விஜயபாஸ்கர் தனது டுவிட்டரில் பதிவிட்டுள்ளார்.



Trending Now: