21 நாள் ஊரடங்கை வரவேற்பதாக பிரதமர் மோடிக்கு சோனியா காந்தி கடிதம்

26-03-2020 08:16 PM

புதுடில்லி

கொரோனா வைரஸ் தொற்றை கட்டுப்படுத்த பிரதமர் மோடி அறிவித்த 21 ஊரடங்கை வரவேற்பதாக சோனியா காந்தி தெரிவித்துள்ளார்.

இந்தியாவை அச்சுறுத்தி வரும் கொரோனா வைரசைக் கட்டுப்படுத்த நாடு முழுவதும் 21 நாட்கள் ஊரடங்கு உத்தரவு பிறப்பிக்கப்பட்டுள்ளது. கடந்த 24ந்தேதி நாட்டு மக்களுக்கு உரையாற்றிய பிரதமர் மோடி, இந்த அறிவிப்பை வெளியிட்டார். இந்த ஊரடங்கை முழு அள்வில் அமல்படுத்த மக்கள் ஒத்துழைக்க வேண்டும் என்று பிரதமர் வலியுறுத்தினார்.

இதையடுத்து, நாடு முழுவதும் ஊரடங்கு தீவிரமாக கடைப்பிடிக்கப்படுகிறது. ஊரடங்கை மீறி வெளியில் காரணம் இன்றி சுற்றுவோரை போலீசார் எச்சரித்து அனுப்பி வருகின்றனர்.

கொரோனாவை கட்டுப்படுத்த பிரதமர் மோடி அறிவித்த ஊரடங்கிற்கு எதிர்க்கட்சிகள் வரவேற்பு தெரிவித்துள்ளன.

காங்கிரஸ் கட்சியின் தலைவர் சோனியா காந்தி, பிரதமர் மோடி அறிவித்த ஊரடங்கை வரவேற்று பிரதமர் மோடிக்கு கடிதம் எழுதியுள்ளார்.

இது குறித்து சோனியா காந்தி எழுதிய கடித விவரம்: “, நோய் தொற்றை தடுக்க அரசு எடுக்கும் ஒவ்வொரு நடவடிக்கைக்கும் காங்கிரஸ் கட்சியின் தலைவர் என்ற வகையில் நாங்கள் ஆதரவு அளிப்போம்” என்று சோனியா காந்தி தெரிவித்துள்ளார்.

கொரோனா நோயாளிகள் சிகிச்சைக்கான புதிய மருத்துவமனைகளை விரைந்து கட்ட வேண்டும். 100 நாள்வேலைத்திட்டத்தில்  பணியாற்றும் கிராமப்புறத்

தொழிலாளர்கள், விவசாயத் தொழிலாளர்கள், மீனவர்கள், மூடப்படும் ஆலைகளில் இருந்து நீக்கப்படும் தொழிலாளர்கள், கட்டிடத் தொழிலாளர்கள் மற்றும் அமைப்பு சாரா தொழிலாளர்களுக்கு நிவாரணம் வழங்க அரசு நடவடிக்கை எடுக்க வேண்டும்.

வங்கி கடன்களுக்காக கட்டப்படும் அனைத்து மாதாந்திர தவணைக கடன்களையும் 6 மாதங்களுக்கு ஒத்திவைப்பது குறித்து மத்திய அரசு பரிசீலிக்க வேண்டும் என்று பிரதமர் மோடிக்கு எழுதிய கடிதத்தில் சோனியா காந்தி பரிந்துரைத்துள்ளார்.



Trending Now: