அ.தி.மு.க. முன்னாள் எம்.பி. கே.சி. பழனிசாமி கைது – போலீஸார் தீவிர விசாரணை

25-01-2020 11:41 AM

கோவை

கோயமுத்தூரில் அ.தி.மு.க. முன்னாள் எம்.பி. கே.சி. பழனிசாமி போலீசாரால் இன்று காலை கைது செய்யப்பட்டு, விசாரிக்கப்படுகிறார்.

கோவை லாலிரோட்டில் உள்ள கே.சி. பழனிசாமியின் வீட்டிற்கு இன்று அதிகாலையில் சென்ற போலீசார் அவரிடம் விசாரணை மேற்கொண்டனர். பின்னர் அவரை கைது செய்து சூலூர் காவல் நிலையத்திற்கு அழைத்து சென்றனர்.

அ.தி.மு.க. பெயரில் போலி இணையதளம் நடத்தியுள்ளார் என்ற தகவலின் அடிப்படையில் கே.சி. பழனிசாமி. கைது செய்யப்பட்டு உள்ளார் என தகவல் கூறப்படுகிறது.

அதிமுக ஊராட்சி தலைவர் அளித்த புகாரின்பேரில், கே.சி. பழனிசாமிமீது 11 பிரிவுகளின் கீழ் வழக்குப் பதிவு செய்யப்பட்டுள்ளது.

கே.சி. பழனிசாமி மறுப்பு

நான் போலி இணையதளம் எதுவும் நடத்தவில்லை; போலீசார் என்னை கைது செய்துள்ளது பழிவாங்கும் நடவடிக்கை என கே.சி.பழனிசாமி மறுப்பு தெரிவித்துள்ளார்.


அ.தி.மு.க.வில் முன்னாள் எம்.பி.யாக இருந்தவர் கே.சி. பழனிசாமி. நாமக்கல்லின் திருச்செங்கோடு தொகுதியில் இருந்து நாடாளுமன்ற எம்.பி.யாக கடந்த 1989ம் ஆண்டு தேர்வானார். இவர் காங்கேயம் தொகுதி எம்.எல்.ஏ.வாகவும் இருந்துள்ளார். அதிமுக விரோத நடவடிக்கைக்காக கட்சியிலிருந்து கே.சி. பழனிசாமி. நீக்கப்பட்டார் என்பது குறிப்பிடத் தகுந்தது.



Trending Now: