இந்திய கிரிக்கெட்டின் ஆல்ரவுண்டர் இர்ஃபான் பதான் ஓய்வு பெறுவதாக அறிவித்தார்

04-01-2020 07:17 PM

மும்பை,

இந்திய கிரிக்கெட் அணியின் ஆல் ரவுண்டர் இர்பான் பதான் (35) அனைத்து வகையான கிரிக்கெட் போட்டிகளில் இருந்தும் ஓய்வு பெறுவதாக இன்று அறிவித்துள்ளார்.

இர்ஃபான் பதான் இதுவரை இந்திய கிரிக்கெட் அணிக்காக 

29 டெஸ்ட் போட்டிகள் (1105 ரன்கள், 100 விக்கெட்), 

120 ஒருநாள் போட்டிகள் (1544 ரன்கள், 173 விக்கெட்), 

24 டி-20 சர்வதேச போட்டிகளில் (172 ரன்கள், 28 விக்கெட்) விளையாடியுள்ளார். 

சர்வதேச டெஸ்ட் கிரிக்கெட்டின் முதல் ஓவரிலேயே ஹாட்ரிக் விக்கெட் கைப்பற்றிய முதல் பவுலர் என்ற வரலாறு படைத்தவர்.

கடந்த 2003ம் ஆண்டு ஆஸ்திரேலியாவுக்கு எதிரான ஒருநாள் போட்டியில் இர்ஃபான் பதான் முதல்முறையாக இந்திய அணியில் பங்கேற்றார்.

தன் அபார திறமையால் கபில் தேவுக்கு அடுத்தப்படியான ஆல் ரவுண்டராக அறியப்பட்டார்.

கடந்த 2006ம் ஆண்டு பாகிஸ்தான் அணிக்கு எதிரான டெஸ்டின் முதல் ஓவரின் கடைசி மூன்று பந்தில் சல்மான் பட், யூனிஸ் கான், முகமது யூசுப் என மூன்று பேரையும் அவுட்டாக்கி ஹாட்ரிக் சாதனையை அரங்கேற்றினார். தனது அசத்தல் சுவிங் பவுலிங்கால், பாகிஸ்தான் அணியின் முன்னாள் வேகப்பந்து வீச்சாளர் வாசிம் அக்ரமுடன் ஒப்பிடப்பட்டார்.

கடந்த 2007ம் ஆண்டு  இந்திய அணி டி-20 உலகக்கோப்பையை வெல்ல உறுதுணையாக இருந்தவர் இர்பான் பதான். 

இறுதி போட்டியில் 4 ஓவர்கள் வீசி 16 ரன்களுக்கு 3 விக்கெட்டுகள் வீழ்த்தி ஆட்ட நாயகனாக தேர்ந்தெடுக்கப்பட்டார்.

கடந்த 2012ல் நடந்த 20 ஓவர் உலகக்கோப்பை கிரிக்கெட் தொடரில் தென் ஆப்ரிக்க அணிக்கு எதிரான போட்டியில் விளையாடியதே இர்பான் பதான் பங்கேற்ற இறுதி சர்வதேச போட்டியாகும்.

அடுத்தடுத்து ஏற்பட்ட காயங்கள் காரணமாக இர்பான் பதான் ஆட்டத்திறன் பாதிக்கப்பட்டதால் அவரால் இந்தியாவுக்காக தொடர்ந்து விளையாட முடியவில்லை.

கடைசியாக கடந்த 2019ம் ஆண்டு பிப்ரவரி மாதம் ஜம்மு காஷ்மீரில் சையத் முஷ்டக் அலி கோப்பைக்கான போட்டியில் இர்பான் பதான் விளையாடினார்.



Trending Now: