சென்னையில் வெங்காயம் விலை 3 மடங்காக உயர்வு

03-11-2019 01:19 PM

சென்னை,

சென்னையில் தொடர் மழையால் வெங்காயம் விலை கடந்த ஒரு வாரத்தில் 3 மடங்காக உயர்ந்துள்ளது.

வெளியூர் மற்றும் வெளி மாநிலங்களில் இருந்தும் காய்கறிகளும் வெங்காயமும் சென்னை கோயம்பேடு காய்கறி மார்க்கெட்டுக்கு இறக்குமதி செய்யப்படுகிறது.
தமிழ்நாட்டின் பல்வேறு பகுதிகளிலும் கடந்த சில நாட்களாக தொடர்மழை பெய்து வருகிறது. இதனால் காய்கறி சந்தைக்கு காய்கறிகளின் வரத்து குறைந்து உள்ளது. இதன் தொடர்ச்சியாக காய்கறிகளின் விலை அதிகரித்து உள்ளது.
அழுகிய தரக்குறைவான வெங்காயம்தான் கடந்த சில தினங்களாக கோயம்பேடு சந்தைக்கு வருகிறது.

தொடர்மழை, விளைச்சல் குறைவு மற்றும் வரத்து குறைவு ஆகிய காரணங்களால் கோயம்பேடு காய்கறி சந்தையில் வெங்காயத்தின் விலை உயர்ந்துள்ளது.

இதனால், கடந்த வாரம் ரூ.25க்கு விற்பனை செய்யப்பட்ட வெங்காயத்தின் விலை தற்போது ரூ.80க்கு விற்கப்பட்டு வருகிறது.

வெங்காயத்தின் விலை ஏற்றம் பொதுமக்களுக்கு கடும் பாதிப்பினை ஏற்படுத்தி உள்ளது.