இமாச்சல பிரதேச ஆளுநராக பதவியேற்றுக்கொண்டார் பண்டாரு தத்தாத்ரேயா

11-09-2019 04:28 PM

சிம்லா

  இமாச்சல பிரதேச மாநிலத்தின் ஆளுநராக பண்டாரு தத்தாத்ரேயா ராஜ்பவனில் இன்று பதவியேற்றுக்கொண்டார்.

இமாச்சல பிரதேசம், கேரளா, தெலுங்கானா உள்பட 5 மாநிலங்களுக்கு புதிய ஆளுநர்கள் நியமனம் செய்து குடியரசு தலைவர் ராம்நாத் கோவிந்த் சமீபத்தில் உத்தரவு பிறப்பித்திருந்தார்.

அவ்வகையில், இமாச்சல பிரதேசம் மாநிலத்தின் புதிய கவர்னராக நியமிக்கப்பட்ட பண்டாரு தத்தாத்ரேயா இன்று பதவியேற்றுக் கொண்டார்.

தலைநகர் சிம்லாவில் உள்ள ராஜ்பவனில் நடைபெற்ற விழாவில் இமாச்சலப்பிரதேச உயர்நிதிமன்ற தலைமை நீதிபதி தரம்சந்த் சவுத்ரி,  பண்டாரு தத்தாத்ரேயாவிற்கு பதவி பிரமாணம் செய்துவைத்தார்.

இந்த நிகழ்ச்சியில், மாநில முதல்வர் ஜெய்ராம் தாக்குர், அமைச்சர்கள், சட்டசபை உறுப்பினர்கள் மற்றும் அரசு உயரதிகாரிகள் ஆகியோர் கலந்துகொண்டனர்.