கதறி அழுத சிறுமி! – சுமதி

14-08-2019 03:55 PM

ஆசை ஆசையாக தான் வளர்த்த மரங்களை அதிகாரிகள் வெட்டியதால் ஒன்பது வயது சிறுமி கதறி அழுத வீடியோ இணையத்தில் வைரலாகியுள்ளது. சிறுமியை சமாதானப்படுத்த 20 மரக்கன்றுகளை நட்டுள்ள அரசு, அவரை அம்மாநில பசுமைத் தூதராகவும் நியமித்து கவுரவப் படுத்தியுள்ளது.

மரங்­களை வெட்­டா­தீர்­கள் என்ற கோஷம் நீண்­ட­கா­ல­மா­கவே மக்­கள் முன் வைக்­கப்­பட்டு வரு­கி­றது. முன்பை விட தற்­போது மக்­க­ளி­ட­மும் இது பற்றி நல்ல விழிப்­பு­ணர்வு ஏற்­பட்­டுள்­ளது. சில சமூ­க­வி­ரோ­தி­க­ளைத் தவிர மக்­கள் பெரும்­பா­லும் காடு­க­ளைக் காப்­பாற்ற வேண்­டும், புதிய மரக்­கன்­று­களை நட வேண்­டும் என்­ப­தில் தீவி­ரம் காட்டி வரு­கின்­ற­னர். இதற்­காக விதைப்­பந்து போன்ற பல விச­யங்­களை அவர்­கள் மேற்­கொண்டு வரு­கின்­ற­னர். இந்­நி­லை­யில் இரண்டு மரங்­க­ளுக்­காக கதறி அழுது பல­ரது மன­தி­லும் இடம் பிடித்து விட்­டார் மணிப்­பூ­ரைச் சேர்ந்த ஒன்­பது வயது சிறுமி.

மணிப்­பூர் மாநி­லம் கக்­சிங் மாவட்­டம் ஹியாங்­லாம் மக்கா லேக்­காய் பகு­தியை சேர்ந்­த­வர் வாலென்­டினா எலங்­பாம். தற்­போது ஐந்­தாம் வகுப்பு படித்து வரும் அச்­சி­றுமி, கடந்த நான்கு ஆண்­டு­க­ளுக்கு முன் தனது வீட்­டின் அருகே உள்ள ஆற்­றின் கரை­யோர பகு­தி­யில் இரண்டு குல்­மோ­கர் மரங்­களை நட்­டார்.

அம்­ம­ரம் நன்கு வளர்ந்து தனக்கு நிழல் தரும் என ஆசை ஆசை­யாக அதனை கண்­ணும் கருத்­து­மாக பரா­ம­ரித்து வந்­தார். ஒவ்­வொரு நாளும் மரத்­தின் வளர்ச்­சியை பார்த்து அவர் ஆனந்­தத்­தில் திளைத்து வந்­தார்.

இந்­நி­லை­யில், சமீ­பத்­தில் அந்த ஆற்றை சுத்­தம் செய்­யும் பணி­யில் அப்­ப­குதி அரசு ஊழி­யர்­கள் ஈடு­பட்­ட­னர். அப்­போது கரை­யோ­ரங்­க­ளில் இருந்த மரங்­கள் வெட்டி அகற்­றப்­பட்­டன. இதில், வாலென்­டினா வளர்த்த இரண்டு மரங்­க­ளும் வெட்­டப்­பட்­டது. தான் ஆசை ஆசை­யாய் வளர்த்த மரங்­கள் வெட்­டப்­பட்­ட­தைப் பார்த்து வேத­னை­ய­டைந்த சிறுமி தேம்­பித் தேம்பி அழு­தார்.

இதனை அவ­ரது உற­வி­னர் ஒரு­வர் வீடி­யோ­வாக பதிவு செய்து சமூ­க­வ­லை­த­ளத்­தில் வெளி­யிட்­டார். மரங்­கள் மீது அச்­சி­று­மிக்கு இருந்த காத­லைக் கண்டு நெட்­டி­சன்­கள் ஆச்­சர்­யம் அடைந்­த­னர். சிறு­மிக்­காக பரி­தா­ப­மும் பட்­ட­னர். இத­னால் அந்த வீடியோ இணை­யத்­தில் வைர­லா­னது. ”நான் இந்த மரங்­களை நட்டு மிக­வும் அன்­பு­டன் வளர்த்து வந்­தேன், அதை இப்­படி வெட்­டி­ய­தைப் பார்த்து என் மனம் வலிக்­கி­றது,” என்­றார்.

இந்த வீடியோ அம்­மா­நில முதல்­வர் பிரன் சிங் மற்­றும் வனத்­துறை அமைச்­சர் ஷியாம்­கு­மார் சிங் பார்­வைக்­கும் சென்­றது. இப்­ப­டிப்­பட்ட குழந்­தை­கள் தான் வருங்­கால உல­கின் இயற்கை காவ­லர்­கள் என்­பதை உணர்ந்­த­னர்.

 “என் மக­ளுக்கு இந்த மரங்­கள் மீது இத்­தனை அன்பு இருந்­தி­ருக்­கி­றது என்று தெரி­ய­வில்லை. ஆனால் இனி நாங்­கள் அவ­ளு­டைய இந்த ஆசைக்கு ஆத­ர­வாக இருப்­போம்,” என்­றார்.

இரண்டு மரங்­களை வெட்­டி­ய­தற்­காக சிறு­மி­யி­டம் அதி­கா­ரி­கள் மன்­னிப்பு கேட்­ட­னர். அதோடு, சிறு­மி­யின் வேண்­டு­கோ­ளுக்கு ஏற்ப, அதே இடத்­தில் 20 மரக்­கன்­று­கள் நடப்­பட்­டது. மேலும் அப்­ப­கு­தி­யில் 500 மரக்­கன்­று­களை நட, அப்­ப­குதி மக்­க­ளும் திட்­ட­மிட்­டுள்­ள­னர். மரங்­களை வெட்­டக் கூடாது, புதிய மரக்­கன்­று­களை நட வேண்­டும் என்ற தாக்­கத்தை தனது கண்­ணீர் மூலம் உல­க­ள­வில் ஏற்­ப­டுத்­தி­யுள்­ளார் சிறுமி வாலென்­டினா. சிறிய வய­தில் இயற்கை மீது பேரார்­வம் கொண்­டுள்ள சிறு­மிக்கு அப்­ப­குதி எம்.எல்.ஏ பரிசு வழங்கி பாராட்­டி­னார்.வாலென்­டி­னா­வைக் கவு­ர­விக்­கும் வகை­யில், அம்­மா­நில பசு­மைத் தூது­வ­ராக அவரை நிய­மித்­துள்­ளது மணிப்­பூர் அரசு.