டவுன் பகுதியில் 2 நாட்கள் ஆகியும் வடியாத நீர்; எதிர்க்கட்சி எம்எல்ஏ தொகுதி என்பதால் புறக்கணிக்கப்படுவதாக நயினார் நாகேந்திரன் குற்றச்சாட்டு

27-11-2021 07:44 PM


நெல்லை,


நெல்லையில் பெய்யும் தொடர் மழையால் டவுன் பகுதியில் வீடுகளை சூழ்ந்த தண்ணீர் இரண்டாவது நாளாக வடியாமல் மக்கள் கடும் அவதி. முன்கூட்டியே 10 முறை மனு அளித்தும் அதிகாரிகள் அலட்சியம், எதிர்கட்சி எம்எல்ஏ என்பதால் தனது தொகுதி புறக்கணிக்கப்படுவதாக பாஜக எம்எல்ஏ நயினார் நாகேந்திரன் பரபரப்பு குற்றச்சாட்டு.

நெல்லை மாவட்டத்தில் நேற்று முன்தினம் விடிய விடிய பலத்த மழை கொட்டித் தீர்த்தது இதனால் தாழ்வான இடங்களை தண்ணீர் சூழ்ந்துள்ளது குறிப்பாக கிருஷ்ணாபேரி கண்டியபேரி ஆகிய குளங்கள் நிரம்பி ஊருக்குள் தண்ணீர் புகுந்த்தால் டவுன் காட்சி மண்டபம் வழுக்கோடை மற்றும் சுற்றியுள்ள பகுதிகளில் 100க்கும் மேற்பட்ட வீடுகளை தண்ணீர் சூழ்ந்துள்ளது. நேற்று மாநகரில் மழை பெய்யாமல் இருந்து இதுவரை டவுனில் தண்ணீர் வடியவல்லை. இதனால் அப்பகுதி மக்களின் இயல்பு வாழ்க்கை பெரிதும் பாதிக்கப்பட்டுள்ளது. இந்த நிலையில், டவுன் பகுதி எதிர்கட்சி தொகுதி என்பதால் புறக்கணிக்கப்படுவதாக பாஜக எம்எல்ஏ நயினார் நாகேந்திரன் பரபரப்பு குற்றச்சாட்டை முன்வைத்துள்ளார். அதாவது நெல்லை தொகுதி சட்டமன்ற உறுப்பினர் என்ற முறையில் தொகுதிக்குட்பட்ட டவுன் பகுதியில் மழை பாதிப்புகளை பாஜக சட்டமன்ற குழு தலைவர் நயினார் நாகேந்திரன் இன்று நேரில் பார்வையிட்டார் அப்போது சில தெருக்களில் சாலைகளில் தேங்கிய தண்ணீரில் நடந்து சென்றபடி மக்களிடம் குறைகளை கேட்டறிந்தார் பின்னர் தண்ணீர் வெளியேற்றுவதற்காக தனது சொந்த செலவில் டிராக்டர் வரவழைத்து அந்த வண்டியை அவரே ஓட்டினார். தொடர்ந்து பத்ரிகையாளர்களுக்கு பேட்டி அளித்த நயினார் நாகேந்திரனல, கடந்த இரண்டு நாட்களாக மழை வெள்ள பாதிப்புகளை நேரில் ஆய்வு செய்து பல்வேறு  உதவிகளை செய்து வருகிறேன் தொகுதியில் மழை பெய்தால் சந்திக்க உள்ள பிரச்சனைகள்  குறித்து முன்கூட்டியே மாவட்ட ஆட்சியரிடம் மற்றும் மாநகராட்சி ஆணையரிடம் 10 முறைக்கு மேல் மனு அளித்தேன் ஆனால் உரிய நடவடிக்கை எடுக்கவில்லை எதிர்கட்சி சட்டமன்ற உறுப்பினர் என்பதால் நடவடிக்கை எடுக்கப்படவில்லை என்ற சந்தேகம் எழுகிறது  தற்போது தண்ணீரை  அகற்றுவதற்கான பணிகள் நடைபெற்று வருகிறது மீட்பு பணிகள்  எனது தொகுதியை பொறுத்தவரை மந்தகதியில் நடக்கிறது அதேபோல்  கன்னியாகுமரி மாவட்டத்தில் ஏற்பட்ட பாதிப்பு குறித்து முதல்வர் நேரில் ஆய்வு செய்தார் ஆனாலும் அங்கு நடவடிக்கைகள் எடுக்கப்படவில்லை கன்னியாகுமரி மாவட்டத்தில் உள்ள  தாமிரபரணி ஆறு வெள்ள நீர் ஊருக்குள் புகாவண்ணம் தடுப்பதற்காக 15 கோடியில் முன்னாள் அமைச்சர் பொன் ராதாகிருஷ்ணன் மத்திய அரசிடம் ஒப்புதல் பெற்று புதிய திட்டத்தைக் கொண்டு வந்தார் ஆனால் நீதிமன்றத்தில்  தடை பெற்று  அத்திட்டம் செயல்படுத்தப்படவில்லை அரசு வெள்ள பாதிப்புகளில் இருந்து பொதுமக்களை காப்பாற்றுவதில் விரைந்து  நடவடிக்கை எடுக்க வேண்டும் பொதுமக்களும் நீர்நிலைகளில் கட்டிடக் கழிவுகளைக் கொட்டுவது ஆக்கிரமிப்பது போன்ற நடவடிக்கைகளில் ஈடுபடக்கூடாது என்று தெரிவித்தார்



Trending Now: