காவல்நிலையத்தில் வாகனங்கள் ஏலம் , பொதுமக்கள் ஆர்வம்

15-10-2020 07:13 PM

நெல்லை மாநகர பகுதிகளில் பல்வேறு குற்ற வழக்கு சம்பந்தப்பட்டு நீண்ட நாட்களாக உரிமம் கோராமல்   காவல் நிலையத்தில் இருந்த இரு சக்கர வாகனங்களுக்கான ஏலம்  நடைபெற்றது ஏராளமானோர் கலந்துகொண்டு ஏலத்தில் பங்கேற்று இருசக்கர வாகனத்தை எடுத்துச் சென்றனர்.

நெல்லை மாநகர பகுதிகளில்  8 காவல் நிலையங்கள் செயல்பட்டு வருகிறது. இங்கு  பல்வேறு குற்ற சம்பவங்களில் தொடர்புடைய  ஏராளமான இருசக்கர வாகனங்கள் காவல்துறையினரால்  பறிமுதல் செய்யப்பட்டு காவல் நிலையத்தில் நிறுத்தி வைக்கப்பட்டிருந்தன. இதேபோல் தெருக்களில்  நீண்ட நாட்களாக உரிமையாளர்கள் யார் என்று தெரியாத நிலையில்  நிறுத்தி வைக்கப்பட்டிருந்த வாகனங்களையும் போலீசார் பறிமுதல் செய்தனர். வழக்குகள் முடிந்த நிலையிலும் வானங்களுக்கு யாரும் உரிமை கோராமல்  காவல்நிலையத்தில் ஏராளமான  வாகனங்கள் நீண்ட நாட்களாக நிறுத்தி வைக்கப்பட்டிருந்தது. அந்த வாகனங்களை ஏலம் விட காவல்துறை முடிவு செய்தது. இதன்படி நெல்லை ஆயுதப்படை மைதானத்தில் 414 இருசக்கர வாகனங்கள் ஏலம் இன்றும் நாளையும் நடைபெறுகிறது. நெல்லை மாநகர குற்றப் பிரிவு துணை ஆணையர் மகேஷ் குமார் தலைமையில் ஏலம் நடைபெற்றது இதில் ஏராளமான பொதுமக்கள் மற்றும் வியாபாரிகள் கலந்துகொண்டு வாகனங்களை ஏலம் எடுத்தனர். குறைந்தபட்சமாக ஏலதொகை 500 ரூபாய் என நிர்ணயம் செய்யப்பட்டது இதில் அதிகபட்சமாக ஒரு இரு சக்கர வாகனம் 33 ஆயிரத்து 500 ரூபாய்க்கு ஏலம் போனது.ஏராளமானவர்கள் கலந்துகொண்டு இருசக்கர வாகனங்களில் எடுத்துச் சென்றனர் இந்த ஏலத்தில் கிடைக்கும் பணத்தை கருவூலத்தில் செலுத்த உள்ளதாக  துணை ஆணையாளர் தெரிவித்தார்.



Trending Now: