சர்டிபிகேட் வாங்க லஞ்சம் லிஸ்ட் வட்டாட்சியரை கலங்கடிக்கும் போஸ்டர்

12-10-2020 01:47 PM

பாளையங்கோட்டை , அக் 12

தென்காசி மாவட்டம் திருவேங்கடம் வட்டாச்சியர் அலுவலகத்தில் எந்த ஒரு சான்று வாங்க சென்றாலும் காசுதான். வேலையின் தரத்தைப்பொறுத்து காசு வாங்கப்பட்டு வருவதாக இடதுசாரி கட்சிகள் பெயரில் லஞ்சம் குறித்து ஒட்டப்பட்ட போஸ்டர்களால் திருவேங்கடம் பகுதிகளில் பரபரப்பு ஏற்பட்டுள்ளது.

தென்காசி மாவட்டம் திருவேங்கடம் வட்டாட்சியர் அலுவலகத்திற்கு எந்த சான்று வாங்கு சென்றாலும் அதற்கு லஞ்சம் கொடுக்காமல் சான்றோ, எந்த பணியோ முடிக்கமுடியாத நிலை உள்ளது. இதுகுறித்து சம்பவந்தப்பட்ட அதிகாரி, மாவட்ட நிர்வாகத்திடம் புகார் அளித்தும் எந்த நடவடிக்கை எடுக்கப்படவில்லை . 

பணம் இல்லாமல் வட்டாட்சியர் அலுவலகத்திற்கு எந்த பயனும் இல்லை என கூறப்பட்டு வந்த நிலையைில் திருவேங்கடம் வட்டாட்சியர் அலுவலகத்திற்கு எந்த சான்றுக்கு எவ்வளவு லஞ்சம் வாங்கப்படுகிறது, எந்த பணிக்கு எவ்வளவு பணம் லஞ்சமாக கொடுக்க வேண்டும் என பட்டியிட்டு நகர் பகுதி முழுவதும் இடதுசாரிகள் என்ற பெயரில் போஸ்டர்கள் ஒட்டப்பட்டுள்ளது. 

இதன்படி திருவேங்கடம் வட்டத்திற்குள்  சரள் அள்ள 50 ஆயிரம்  ரூபாய், சப்டிவிசன் பேப்பர் 5 ஆயிரம் ரூபாய் , பிறப்பு இறப்பு, வாரிசு சான்றுதழ் வாழங்க  2 ஆயிரம் ரூபாய் , , இலவச பட்டா வழங்க 10 ஆயிரம் ,, கல்குவாரி மாத ஆய்வுக்கு 10 ஆயிரம் , செங்கல் சூளை ஆய்வு 2 ஆயிரம் ரூபாய் என விளக்கமாக அச்சடிக்கப்பட்டுள்ளது.  

எனவே பொதுமக்கள் தேவையான சான்றுகள் வேண்டும் என்றால் நிர்ணயம் செய்த தொகையினை கொடுத்தால் மட்டும் சான்றுகள் பெற முடியும் இல்லையென்றால் பல மாதங்களாக அலைக்கழிக்கப்டுவார்கள் என்றும்  லஞ்சப்பணத்தால் வட்டாச்சியர் மாதம் பெறும் வருமானம் ஐந்து இலட்சம் ,  அவருடைய டிரைவருக்கு மாதம் ஒரு இலட்சம் , எனவே பொதுமக்கள் விழித்திடுவிர் என ஒட்டப்பட்டுள்ள போஸ்டரால் திருவேங்கடம் பகுதியில் பெரும் பரபரப்பு ஏற்பட்டுள்ளது. எனவே மாவட்ட ஆட்சியர் லஞ்ச வேட்டையில் ஈடுபட்டு வரும் திருவேங்கடம் வட்டாச்சியர் மற்றும் அவருக்கு உடந்தையாக செயல்பட்டு வரும் அதிகாரிகள், புரோக்கர்கள் மீது நடடிவடிக்கை எடுக்க வேண்டும் என்பது பொதுமக்களின் கோரிக்கையாகும்.



Trending Now: