சுங்கக் கட்டணம் வசூலிக்க தடை கோரி மனு: தமிழக அரசு உடனடியாக பரிசீலிக்க நீதிபதிகள் பரிந்துரை..

24-03-2020 07:41 PM

மதுரை

   கோவிட்-19 வைரஸ் பாதிப்பு எதிரொலியாக தமிழகத்தில் இன்று மாலை முதல் 144 தடை உத்தரவு அமல்படுத்தப்பட்டுள்ளது.

 இந்த உத்தரவு ஏப்ரல் ஒன்றாம் தேதி வரை அமலில் இருக்கும் என்று அரசு தெரிவித்துள்ளது. இதனைத் தொடர்ந்து சென்னையிலிருந்து தென் தமிழகத்தை நோக்கி பல்லாயிரக்கணக்கானோர் வாகனங்களில் தற்போது வந்து கொண்டிருக்கின்றனர் .இவ்வாறு வரும் வாகனங்களில் தேசிய நெடுஞ்சாலைகளில் ஆங்காங்கே நிறுத்தி சுங்க கட்டணம் வசூல் செய்யப்பட்டு வருகிறது. இந்த சுங்க கட்டண வசூல் மையங்களில் குறைந்தது அரைமணி நேரத்திலிருந்து ஒருமணி நேரம் ஒவ்வொரு வாகனமும் நின்று வருவதால் நோய்க் கிருமிகள் தொற்ற வாய்ப்புள்ளது எனவே உடனடியாக சுங்க கட்டணம் வசூலிப்பதற்கு தடை விதிக்க வேண்டும் என்று உயர்நீதிமன்ற மதுரை கிளையில் நீதிபதிகள் பிரகாஷ் மற்றும் சுந்தர் அமர்வு அமர்வில் வழக்கறிஞர் ராஜகோபால் முறையீடு செய்தார்.

அப்போது நீதிபதிகள் தமிழக அரசு வழக்கறிஞரிடம் இது சம்பந்தமாக அரசு உடனடியாக பரிசீலனை செய்து உரிய முடிவெடுக்க உத்தரவிட்டார்கள்.