ஆலங்குளம் அருகே தொழிலாளி மர்மச் சாவு

10-08-2019 12:37 AM

ஆலங்குளம்,:

ஆலங்குளம் அருகே வேலைக்குச் சென்ற தொழிலாளி மர்ம முறையில் இறந்தார்.

ஆலங்குளம் அருகேயுள்ள காட்டூர் (எ) ராமநாதபுரத்தைச் சேர்ந்த அய்யாக்கண்ணு மகன் ராஜேந்திரன் (44). இவர் ஆண்டிபட்டியில் உள்ள கல்குவாரி ஒன்றில் இரவுக் காவலாளியாக வேலை செய்து வந்தார். இந்நிலையில் நேற்று முன்தினம் இரவு வேலைக்குச் சென்ற அவர் நேற்று காலை அங்கு இறந்து கிடந்தாராம்.

இதனையறிந்த அவரது உறவினர்கள் போலீசாருக்கு தகவல் அளிக்காமல் மயானத்துக்கு கொண்டு சென்றனாரம். இது குறித்து தகவல் அறிந்து வந்த ஆலங்குளம் போலீசார், ராஜேந்திரனின் உடலை மீட்டு பிரேத பரிசோதனைக்காக பாளை., அரசு மருத்துவக் கல்லூரி ஆஸ்பத்திரிக்கு அனுப்பி வைத்தனர்.

மேலும் போலீசார் இது தொடர்பாக வழக்குப் பதிவு செய்து, கல்குவாரி நிறுவனத்தினர் மற்றும் ஊழியர்களிடம் விசாரணை நடத்தி வருகின்றனர்.