இடம் வாங்கிய தகராறில் பெண்ணுக்கு சரமாரி வெட்டு

20-06-2019 07:54 AM

சுரண்டை:

சுரண்டையில் இடம் வாங்கிய தகராறில் பெண்ணுக்கு சரமாரி வெட்டு; தீவிர சிகிச்சை

சுரண்டையில் இடத்திற்கு வாங்கிய பணத்தை திரும்ப கொடுக்காத ஆத்திரத்தில் பெண்ணை சரமாரியாக வெட்டிய சம்பவம் பரபரப்பை ஏற்படுத்தியுள்ளது.

சுரண்டை சிவகுருநாதபுரம் திருமலையாண்டவர் கோவில் தெருவை சேர்ந்தவர் சமுத்திரம் மனைவி வசந்தா(60) இவர் பீடி சுற்றும் தொழில் செய்து வருகிறார். இவருக்கு சொந்தமான வீட்டை ரூ 8.-50 லட்சத்திற்கு அதே பகுதியை சேர்ந்த அருளானந்தம் (எ) பிரகாஷ் (28) என்பவருக்கு விலை பேசி ரூ. 3 லட்சம் அட்வான்ஸ் வாங்கியுள்ளனர். அருளானந்தத்திற்கு பெற்றோர் இறந்து விட்டனர். திருமணமாகவில்லை. அவர் அவருக்கு சொந்தமான 5 சென்ட் இடத்தை வேறு ஒருவருக்கு விற்பனை செய்ய அட்வான்ஸ் ரூ 3 லட்சம் வாங்கி இந்த வீட்டிற்கு கொடுத்துள்ளார். ஆனால் அந்த இடத்தை வாங்கியவர் இடம் வேண்டாம் என கூறி கொடுத்த பணத்தை திரும்ப கேட்டு வக்கீல் நோட்டீஸ் அனுப்பியுள்ளாராம். அதனால் அருளானந்தம் வசந்தாவிடம் இந்த வீட்டை வேண்டாம் என கூறி கொடுத்த அட்வான்சை திரும்ப கேட்டு வந்துள்ளார் இது தொடர்பான பிரச்சினை இருந்து வந்துள்ளது. இந்நிலையில் நேற்று இரவு சுமார் 8-.30 மணியளவில் பணத்தை கேட்க சென்றுள்ளார். அப்போது இருவருக்கும் இடையே தகராறு முற்றியுள்ளது. இதில் ஆத்திரத்தில் மறைத்து வைத்திருந்த அரிவாளால் வசந்தாவின் தலையில் வெட்டியுள்ளதாக தெரிகிறது. இதில் நிலைகுலைந்த வசந்தா ரத்த வெள்ளத்தில் மிதந்துள்ளார். உடனடியாக சுரண்டை போலீசாருக்கு தகவல் தெரிவிக்கப்பட்டது. போலீஸ் இன்ஸ்பெக்டர் மாரீஸ்வரி தலைமையில் விரைந்து வந்த போலீசார் வசந்தாவை மீட்டு சிகிச்சைக்காக தென்காசி அரசு

ஆஸ்பத்திரிக்கு அனுப்பி வைத்தனர். பின்னர் அங்கிருந்து பாளை அரசு

ஆஸ்பத்திரிக்கு சிகிச்சைக்காக அனுப்பி வைக்கப்பட்டுள்ளார்.

இது குறித்து சுரண்டை போலீசார் தீவிர விசாரணை நடத்தி வருகின்றனர்.