ஐ.பி.எல் கிரிக்கேட் போட்டி: சென்னை சூப்பர் கிங்ஸ் டாஸ் வென்று பேட்டிங் தேர்வு

06-04-2019 04:57 PM

சென்னை,

ஐ.பி.எல்.கிரிக்கேட் போட்டியின் 18வது லீக் ஆட்டத்தில் பஞ்சாப் அணிக்கு எதிரான போட்டியில் சென்னை சூப்பர் கிங்ஸ் டாஸ் வென்று பேட்டிங் தேர்வு செய்தது.

ஐ.பி.எல். கிரிக்கெட் சென்னை சேப்பாக்கத்தில் உள்ள எம்.ஏ.சிதம்பரம் ஸ்டேடியத்தில் இன்று தொடங்கியது. 18-வது லீக் ஆட்டத்தில் நடப்பு சாம்பியன் சென்னை சூப்பர் கிங்ஸ், கிங்ஸ் லெவன் பஞ்சாப் அணியை எதிர்கொள்கிறது.

தோனி தலைமையிலான சென்னை அணி தனது முதல் 3 லீக் ஆட்டங்களில் தொடர்ச்சியாக (பெங்களூரு, டெல்லி, ராஜஸ்தான் அணிகளுக்கு எதிராக) வெற்றியை தனதாக்கியது.

முந்தைய லீக் ஆட்டத்தில் சென்னை அணி 37 ரன்கள் வித்தியாசத்தில் மும்பை அணியிடம் தோல்வி அடைந்தது.

இந்நிலையில் இன்று நடைபெறும் 18வது லீக் ஆட்டத்தில் சென்னை சூப்பர் கிங்ஸ் மற்றும் கிங்ஸ் லெவன் பஞ்சாப் அணிகள் விளையாடுகின்றன. இதில், சென்னை சூப்பர் கிங்ஸ் அணி டாஸ் வென்று பேட்டிங் தேர்வு செய்துள்ளது.

சென்னை அணியில், ஸ்காட் குஜ்ஜெலின் அறிமுக வீரராக விளையாடுகிறார். ஹர்பஜன் சிங் அணியில் மீண்டும் இடம்பெற்று உள்ளார்.

இதேபோன்று பஞ்சாப் அணியில் கே.எல்.ராகுல், கிறிஸ் கெய்ல், மயங்க் அகர்வால், சர்ப்ராஸ் கான், டேவிட் மில்லர், மந்தீப் சிங், சாம் குர்ரன், ஆர்.அஷ்வின், ஆண்ட்ரு டை, முருகன் அஷ்வின், மொகமது ஷமி. இடம் பெற்றுள்ளனர்.

சென்னை சூப்பர் கிங்கஸ் அணி 20 ஓவர்களில் 3 விக்கெட் இழப்பிற்கு 160 ரன்கள் எடுத்தது.

பஞ்சாப் அணிக்கு வெற்றி இலக்காக 161 ரன்களை நிர்ணயித்தது சென்னை சூப்பர் கிங்க்ஸ் அணி. பஞ்சாப் அணி 20 ஓவர்களில் 5 விக்கெட் இழப்பிற்கு 138 ரன்கள் எடுத்தது.

பஞ்சாப் அணியை 22 ரன்கள் வித்தியாசத்தில் வெற்றி கொண்டது சென்னை சூப்பர் கிங்க்ஸ் அணி.